越來越愛站在便利店的門前;

映入眼簾的盡是充滿創意的封面標題,感覺上好像香港又走進了一個類似五四運動的新浪潮,一堆又一堆現代文學的新詞彙像雨後春筍般裁種在各大書報攤;什麼「生擒」、「啜爆」、「誰是真胸」、「姣扭露暈」、「青蛙豐胸」、「飛釘」、「窗前捽雀」等等,實在愛死它們。

最簡短的文字給你幻化成最刺激的影像。

大家一起來想像一下我今天看到的其中一個標題:「榨乾鬼佬,柏芝翻閹小春」。

內容沒有看過,但我卻肯定其文一定不如其標題的價值。

「榨乾鬼佬」;到底怎樣才能夠榨乾一個鬼佬?鬼佬的社會價值難道已經變得和新奇士橙無異?如果榨乾鬼佬可以成立,是否可以大量生產,例如榨乾半打鬼佬、榨乾一打鬼婆?而且更重要的是,我們對榨乾這一個觀念是附帶著汁或是類似的液體,那鬼佬到底被榨了什麼出來?又怎樣處理呢?

「柏芝翻閹小春」;所謂閹這種行為,一般來說是出現在小學,充其量是中學的集體潛意識行為。記憶所及沒有誰,也沒有什麼課程教授這一種行為,但是每個男生到達了某個年齡就會好像懂得走路一樣地,忽然圍閹起來;然後又到了那一天,大家又不再熱衷於這種活動,只有極少在大學時期仍然愛閹的例子。

我們都知道「它」的重要,我們都知道「它」並不應該屬於閹這種行為。而且最重要的是,沒有幾多個女孩子會無神神閹男生;其實我也不確定女生之間會否存在這類同性之間的接觸,但是閹這種活動在我心目中是絕對屬於男性的。

柏芝打破了我的觀念,而且周刊更用上「翻閹」這個名詞。換句話說,她至少和他發生過這種行為一次或以上。

好羨慕呀。

期待新文學入侵教科書,然後就會在課堂上聽到:「劉邦生擒虞姬」、「拿破崙圍閹俾斯麥」、「包青天黑臉飛釘」、「捉人深處強姦」。


 

拿破崙圍閹俾斯麥

未分類 | 18 則留言

18 則留言

  • derricktao
    Reply

    呵呵 我都知道飛BAR走奶係來自飛沙走奶
    不過o個種轉化… 真係好難呢
    據聞以前幫d一張飛任睇既戲改名都幾好收入架
    哈哈哈 插班女學生 問你死未

    我係變態架…
    你識左我咁耐先知道?
    有無搞錯?

    越黎越黃子華?
    哈哈 係唔係個樣?
    話時話
    十幾年前
    黃子華娘親經常黎我屋企打麻雀 哈哈

  • PARIS_ICHIGO
    Reply

    我記得!!果陣唔知亞視搵左班唔知拍av既定係咩既日本妹返黎,
    之後有個為左搏出位,造左呢單野出黎~~~
    好經典!!!不過我打錯左bra字,你地照copy~~懶鬼~~hahahaha

    其實除左呢d之外,傳媒改果d咩咩戀既名都有一手….
    東芝戀,裕華戀,鋒王戀…..真係問你死未~~

  • mswing_m
    Reply

    黃子華娘親經常黎我屋企打麻雀

    <—而架仲有無架?…哈哈…我想要簽名….

    基本上我最記得0既係…某藝人「喪食波蘿包」…之類…

    哈哈…我幻想左好耐…都幻想唔到佢有幾「喪」….

  • zerolyrics
    Reply

    D羸ㄗ僩豝?ㄘ淩疑瞳漲ㄛ旂旂蕻陔珨議筥膳ㄛ☆鎚橾芚妘 苤悕橾鼠碅鄖絆雌鏗★ㄛ蜁砦觳淏ㄛ掀斕衄酵砓諾嶲ㄛ窣眈飲衄鎚ㄝ掀斕蕻狟華嬴虛滇孬醱碅鄖楊ㄝㄝㄝ恅飲衄ㄝㄝ驚督ㄝㄝ

  • szeki1016
    Reply

    Hi Derrick!

    其實一直都有拜讀閣下大作, 文筆挺強!:) 今次終於按捺不住, 要回應一下了!

    作為傳媒工作者, 有時候都被娛樂版行家們的”創意”嚇壞 : 標題既貼切又生動, 實在具吸引力。不過, 對之卻不敢恭維, 不是因為”傷風敗德”等等老掉大牙的教誨, 而是反映出整個行業越來越商業化,  影響至其他新聞版位都要為暢銷而製造新聞, 或依照預設的角度寫稿, 事實真相未能得以披露….唉, 簡直令人心淡。

    所謂配合讀者口味, 更是癈話, 有怎樣的傳媒, 便有怎樣的讀者, 根本現在的低級趣味就是由傳媒一手造成, 還要將責任推到讀者頭上, 難為讀者還在捧場….

    將話題帶到社會問題了, 哈哈, 真不好意思….可能是被抑壓等太久的後果:) …..

  • derricktao
    Reply

    我承認我係懶
    呢一種錯法係我中學時抄功課經常發生既現象
    比阿sir勁插我話抄功課都唔用腦
    唔知邊個開始將=抄錯左+號
    就一直骨牌效應咁樣一路半班錯晒
    好明顯係個SEED錯左啦
    …..但估唔到danes同我一齊比你陰左!!

    而家d演唱會名都好勁架
    基會難德<- 加埋張poster真係好基會難德
    跟住我睇到黃偉文有篇野勁玩呢d名
    咩 九淺一心 <- 蔡一傑x關心妍
    好好笑

    簽名…
    你想要佢媽媽簽名啊?
    你唔可以咁架啦
    你而家已經係幫人簽名o個個黎架喇

    我諗係因為你用左「jar」字
    之前我都寫左「jar啜」呢個noun
    不過因為變左成篇變左gb先換左「啜爆」

    有怎樣的傳媒, 便有怎樣的讀者
    其實嘛
    我覺得好似呢一兩年d封面
    越黎越多波睇
    但係竟然連我都覺得睇到好飽
    會唔會係一個飽和既先兆?
    同埋其實會唔會個市場已經改變左
    轉左做D唔敢買咸書既靚仔市場?

    因為D封面已經誇到
    一般人都唔會相信既故仔
    好似前排見到咩女星禁錮
    夠膽死搵番o個女星自己擺pose演一次

    到底雞先定蛋先
    始終係一個謎

    或者無可厚非地
    唔報呢d又可以報d吸引讀者?

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>