個人比較喜歡看電視廣告,喜歡的程度大概是;人家在播廣告時轉台,我則作出相反的行為。

廣告的世界大多很完美幸福,印象中比較悲慘的都只是尤伯連納主演那齣。

而且短短幾十秒的片段沒有多餘的鋪排,事情大都變得很順理成章濃縮精彩,珍妮花赫健絲漂漂亮亮賣翔龍灣又有何不可?

只是某些廣告會加上觀眾切勿模仿的警告字句;老實說,我並不認為有多少個廣告能夠供觀眾模仿,喝健力士不見得會變有錢人、塗SKII恐怕神仙水另有含意、沒有人會旨意在小巴上面有位保險從業員替自己梳頭、尾隨國泰空姐的應該是麻甩漢而不是小朋友,再說現在的小孩才沒有那麼天真漫瀾。

嗯,可是該加警告字句的偏偏卻又沒有加上;比如說百事廣告的那個雨跟G奶跟愛迪生般搖搖碰汽水罐然後打開,我覺得會,射到成身都係嚕。

但正就是真實世界與廣告世界中間存在著差異性,才讓一切變得迷人。

比生命更大是電影的精髓,或許廣告亦然。

所以要在那個世界生存,你必須擁有比普遍人類更大的東西。

廣告世界

未分類 | 10 則留言

10 則留言

  • queenopoly
    Reply

    我也很喜歡看廣告的~!

    廣告很厲害~ 什麼, 萬里望花生, 通屋奇應丸, 鹿茸大補酒, 香港腳發作, 得!得左!~~~ 由細到大都冇辦法忘記~

    中學時代的CTI殺價超人, sunday用戶九個靚仔也很好~ 現在的廣告沒那般力量了~ 加上觀眾切勿模仿的警告字句~ 只想吸引人多觀看吧~? 哈哈~

    ps 好想知珍妮花赫健絲有沒有買番個翔龍灣單位~ 哈哈~ 這廣告也不錯~ 令我忍不住望~~~ ^^

  • HoHangLeung
    Reply

    廣告的確吸引, 雖然我討厭被推銷, 又或是被思想入侵
    (例如人們以為買隻錶就可以「曾經擁有」, 又或者認為瘦就是美)
    但廣告吸引之處卻正在於他在試圖改變我們的思維模式
    而且是只用幾十秒的時間…

    另, 翔龍灣絕對是一個騙局 XD
    只要到過土瓜灣的人都知道
    那兒一點也不高尚, 除了師奶外, 沒可能找到環球小姐的
    而旁邊的也不是紅地毯.. 而是著名的「狗屎路」

  • Elizazaza
    Reply

    樓上再樓上的: 沒錯, 那條狗屎路真的很多狗屎.

    我喜歡看廣告 ,因為好好笑….明珠台貴價廣告係高級笑話, 宣傳易卻令我笑得更開心.

    經典笑彈廣告, 莫過於幾年前的一個電訊廣告中的一句”公公丫麼”….至於佢點解要咁賣, 完全唔記得左.

    此類廣告, 又算唔算成功呢?

  • wallacepekkleto
    Reply

    我同好多朋友都講過…近年最成功既廣告係.extra既曬駱駝…

    第一次睇曬駱駝佢真係同你上堂…教你乜既曬駱駝…

    之後佢直頭出隻駱駝…其他乜都唔賣…可以將一樣完全唔知係乜既野由教育開始都一賣你就知係乜…或者唔知係乜你都買..問你死未…

    仲要係將呢樣野當做一個有延伸性既concept咁賣…真係佩服到五體投地

  • liv7
    Reply

    哈!最近印象最深刻的是葆露絲天使胸圍廣告,影象與光良的《 童話 》配合得天衣無縫,每次播我也想笑。

    對於世界小姐與翔龍灣的配搭,曾經很費解,就如700呎的房子也可稱之為「豪宅」,此壯舉該列入健力士記錄。

  • derricktao
    Reply

    果然不少同道中人 嘿嘿!

    [米羅]
    嗯 每個人都大在不同的地方
    比如說蔡依琳 嘿嘿嘿!

    [皇后普洱]
    Sunday時代既電訊廣告真係鬥得好厲害啊!又任打… 仲有個揸車撞鬼!再加上黎明差唔多年年都拍條和記大片 哈哈

    珍妮花赫健絲有無買過單位就唔知道 不過我偶然有日睇新聞見到有個澳洲大學生寄信去邀請佢做舞伴 佢堂堂環球姐小姐又竟然肯答應飛過去 哈哈

    [HoHangLeung]
    我其實唔知道翔龍灣o係邊 .. 家下d樓盤廣告無個有地址的! 咁樣賣廣告真係好喇 起碼如果你買左翔龍灣 唔帶我返屋企 我都會好仰慕你嘛 好似仲高級過住跑馬地不知名既唐樓 哈哈

    [笑姑]
    啊 原來你喜歡雨啊? 不喜歡迪生或者天樂嗎?

    [Elizazaza]
    我住左香港咁多年 土瓜灣又唔係咩新界鄉下 真係無見識過一條狗屎特多既路 哈哈

    公公丫麼我完全無印象啊 係唔係潮州電訊啊? 攪咩成句粗口咁既? 哈 之但係我覺得成功既廣告都有分兩種 : 一種就係成功咁樣賣到產品 例如話熱射燈律師行咁樣… 另一種就係廣告公司好成功咁樣拎獎 但唔代表產品一定賣得 哈

    [wallacepekkleto]
    咁樣講又真係啊 曬駱駝呢條橋真係可一不可再 哈!

    但講到延續性 好多品牌都唔多理會呢樣野 好似康師傅咁樣 唔知係唔係太多錢唔知點洗 每個飲品搵唔同既代言人去賣.. 仲有謝霆鋒竟然可以由可口可樂轉會去百事可樂 哈哈

    如果講明星代言既延續性 我近來覺得ups既尚連奴幾唔錯啊 特別最近玩骰盅o個一篇 呵!

    [liv7]
    葆露絲天使胸圍廣告我無睇過啊? 上網都search唔到啊!?

    其實300呎都可以叫做豪宅架 只要佢賣得夠貴! 反正呢個世界 百萬都已經唔再係富翁啦 ~

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>